Showing posts with label Facebook. Show all posts
Showing posts with label Facebook. Show all posts

Monday, September 10, 2018

फेसबूकमा रोजगारीको अवसर, तलब ६ लाख, नेपालीलाई पनि मौका

फेसबूकले गालीगलौज, अश्लीलता र आतंकवाद सम्बन्धी कन्टेन्ट हटाउनका लागि संसारभरि २० हजार मोडरेटर नियुक्त गर्ने प्रतिबद्धताको कार्यान्वयन शुरू गरिसकेको छ ।

भारतको बिजनेस प्रोसेस म्यानेजमेन्ट कम्पनी जेनप्याक्टले यस वर्षको फेसबूक कन्टेन्ट म्यानेजमेन्ट सर्भिस कन्ट्य्राक्ट हासिल गरेको थियो ।

कम्पनीले नेपाली, तमिल, कन्नड, ओडिया, छत्तीसगढी, मराठी, मिजो र पञ्जाबीसहित अन्य भारतीय भाषामा कन्टेन्ट मोडरेटर लिइरहेको छ ।

जेनप्याक्टले अनलाइन अप्लायमेन्ट प्ल्याटफर्ममार्फत भेकेन्सी निकालेको थियो र अगस्टदेखि नै वाक इन इन्टरभ्यु लिइरहेको छ ।

कम्पनीका प्रवक्ता भन्छन्, ‘फेसबूकमा प्रयोगकर्ताहरूले हालेका कन्टेन्ट र भिडियो मोनिटर र मोडरेट गर्ने काम हो । त्यसले अन्लाइन कम्युनिटीलाई सुरक्षित र रमाइलो वातावरण दिलाउँछ । मोडरेटरहरूले यौन हिंसा, आतंकवाद,
बच्चाको यौन शोषण, लाइभ आत्महत्या भिडियो र हिंसात्मक कन्टेन्टहरू हेरेर असहज अनुभव नगरी हटाउनुपर्नेछ । यसका लागि वार्षिक ६ लाख रुपैयाँको तलब दिइनेछ । अनि कन्टेन्ट मोडरेटरहरूले मासिक भत्ता पनि पाउनेछन् ।

त्यसो त फेसबूक आफैंले पनि कन्टेन्ट मोडरेटरहरू नियुक्त गर्छ । अनि ५० भन्दा बढी भाषामा पोस्टहरूलाई मोनिटर गर्नका लागि ऊ जेनप्याक्ट जस्ता कम्पनीलाई आउटसोर्सिङ पनि गर्छ ।

फेसबूक प्रवक्ताले भने, ‘सुरक्षामा हाम्रो टीमको साइज यस वर्ष दुईगुणा बढाउँदैछौं । संसारभरि २० हजार मानिस यसका लागि काम गर्नेछन् । तीमध्ये ७ हजार ५०० कन्टेन्ट समीक्षकको टोली पनि छ र त्यसमा वृद्धि भइरहेको छ ।’

Saturday, November 11, 2017

फेसबुकले किन खोजिरहेको छ त आफ्ना प्रयोगकर्ताका निर्वस्त्र तस्वीर ?

फेसबुकले किन खोजिरहेको छ त आफ्ना प्रयोगकर्ताका निर्वस्त्र तस्वीर ?
अश्लील तस्वीरको माध्यमबाट बदला लिने कर्तूत अर्थात् रिभेन्ज पोर्न(Revenge Porn)रोक्नका लागि फेसबुकले एक नयाँ विधिको परीक्षण गरिरहेको छ ।
उक्त परीक्षणका लागि फेसबुकले आफ्ना प्रयोगकर्ताबाट उनीहरुका निर्वस्त्र तस्वीरको अपेक्षा गर्दछ ।

प्रयोगकर्ताले फेसबुकलाई आफ्ना निर्वस्त्र तस्वीर पठाउनु पर्नेछ । उक्त तस्वीरबाट फेसबुकले डिजिटल फिंगरप्रिन्ट बनाउनेछ र त्यसलाई नन कन्सेन्सुअल एक्सप्लिसिट मिडिया अर्थात् कुनै व्यक्तिको इच्छाविपरित लिइएको अभद्र मिडिया सामग्रीको रुपमा मान्नेछ ।

यसबाट फेसबुक प्रयोगकर्ता आफ्ना निर्वस्त्र तथा आपत्तिजनक तस्वीरहरु फेसबुकमा सार्वजनिक हुनबाट जोेगिनेछन् । किनकी उक्त फिंगरप्रिन्ट मानकको आधारमा सो व्यक्तिको निर्वस्त्र तस्वीरको पहिचान फेसबुकले गर्नेछ र त्यसलाई फेसबुकमा प्रकाशित हुन प्रतिबन्धित गर्नेछ ।

फेसबुकमा मात्र होइन इन्स्टाग्राममा पनि यस्ता तस्वीर पोष्ट गर्न सकिने छैन ।

यो प्रविधि फेसबुकले पहिलोपटक अष्ट्रेलियामा सुरु गरेको हो ।

अष्ट्रेलिया ब्रोडकास्टिङ कार्पोरेसनका अनुसार अष्ट्रेलियाली सरकारी एजेन्सीसँग फेसबुकले यो विषयमा हातेमालो गरेको छ ता की यस्ता तस्वीरको माध्यमबाट कसैलाई ब्लाकमेल गर्न नसकियोस् ।

अष्ट्रेलियामा अब कसैले आफ्ना अश्लील तस्वीरहरु फेसबुकमा कसैले कुनैप्नि बेला पोष्ट गर्छकी भन्ने डर हटाउनका लागि अष्ट्रेलियाको इ सेफ्टी आयुक्तसँग सम्पर्क गर्नुपर्नेछ । त्यसपछि प्रयोगकर्तालाई आफ्नो नग्न तस्वीर पठाउन भनिनेछ ।

यो प्रक्रिया आफ्नै इमेलमा आफ्नो तस्वीर पठाउनु सरह हुनेछ । यो निकै सुरक्षित हुने आयुक्त जुली इनमेन बताउँछन् ।

नग्न तस्वीर प्राप्त हुनासाथ त्यसलाई ह्यास गरिनेछ र त्यसमाथि डिजिटल फिंगरप्रिन्ट हालिनेछ र एक लिंक पनि बनाइनेछ ।

ग्रान्टका अनुसार प्रयोगकर्ताले पठाएको नग्न तस्वीर कहीँ पनि स्टोर गरिनेछैन, मात्र लिंक उपलब्ध हुनेछ ।